Дваесет и првото издание на традиционалниот OFFest ќе се одржи од 1 до 4 јуни во Националната опера и балет и МКЦ. Фестивалската програма годинава ја сочинуваат осум концертни настапи и еден документарен филм. ОФФ-Фест 2022 ќе го отвори извонредниот македонски етно...
ЗЕМЈА ЗА СПОРЕДБА: ГЕРМАНИЈА Домувањето не е само четири ѕидови и покрив. Тоа е целиот простор околу домот. Ако тој е погрешно проектиран, квалитетот на домувањето ќе биде под стандардите. Дури и ако се е совршено меѓу четирите ѕида. Таква е приказната за поголемиот...
Повеќе од 650 граѓани на Аеродром веќе се имаат регистрирано на апликацијата „мЗаедница“. Доминантни се пријави и иницијативи за уредување на зеленилото, санација на урбаната опрема, но и подобрување на безбедноста во сообраќајот. Оваа платформа претежно ја користат...
Стотици случаи на злоупотреба на животните на секој чекор во Грција укажува на варварско однесување кон миленичињата и животните.
„Панхеленик – Федерацијата за заштита на животната средина“ и „Животните и Панхеленик – координативниот комитет за заштита на животните“ се две здруженија кои даваат одговор на прашањето за причините и последиците од начинот на однесување кон животните кој е карактеристичен за Грците.
Во текот на одржувањето на работилницата насловена „Европски перспективи за заштита на животните во современата грчка култура“ на 31-ви октомври 2011, повеќе од 25 излагачи ги изложија научните и искуствени аргументи во врска со третирањето на животните од страна на луѓето во Грција и пошироко.
Водечки научници од оваа област, право, етика, филозофија, членови на организации за заштита на животните, професори, училишта, министерства, општини, институции, сектори од европската унија ги изложија своите видувања и документирани научни заклучоци за социјалните, економски и морални проблеми кои се директно или индиректно поврзани со животните, без разлика дали се миленичиња,скитници или домашни животни.
Се разговараше за едукација, непознавањето, митовите и експлоатацијата на животните од страна на луѓето и напредокот кој е синоним на гаранцијата за профит.
Публиката беше многубројна, земајќи го предвид датумот на средбата и фактот дека работилницата беше одржана во работен ден. Присуствуваа и волонтери од цела Грција кои земаа удел во дискусијата во врско со бруталното однесување кое го покажуваат животни кои не се чувани во средина која им е наклонета како што е случај во развиените европски земји.
Како заклучок се истакна дека љубовта кон животните не треба да се смета за луксуз дури и во овие тешки времиња.
“VARELOSKYLA” – ЖИВОТНИ КОИ СЕ ТРЕТИРААТ КАКО ПРЕДМЕТИ
Таканаречените “vareloskyla” се кучиња кои најчесто овчари или фармери ги врзуваат сè до нивната смрт на некое пусто, далечно место за да ги чуваат нивните стада.
Кучињата најчесто се пронаоѓани случајно бидејќи само нивните мачители ги познаваат доволно добро за да можат да ги врзат. Тие се врзани со синџири за пресечено метално буре, лишени од храна и вода.
Кога ќе приметат луѓе тие обично се обидуваат да се сокријат. Сите се плашливи и многу слаби, оставени на милоста на нивните сопственици.
Ваквото криминално однесување на голем број овчари, не само на Крит туку и на други места во Грција, придонесува да оваа драматична ситуација нема крај. Особено на Крит и Икарија на секој агол, во секое село, секое пасиште состојбата е надвор од контрола.
Поради сè поголем притисок полицијата започна сериозно да ги разгледува сите пријави за криминал од ваков вид. За жал, тоа сепак не е доволно.
Потребна е сеопфатна акција на полицијата, здруженијата на љубители на животни, општините и јавниот обвинител. Однесувањето на фармерите кон животните е нехумано, неморално, нецивилизирано и ја прикажува Грција како таква низ погледот на туристите кои често поднесуваат пријави бивајќи сведоци на овој ужас.
Животните поседуваат интелигенција и се незаменливи во синџирот на животот. Сите ние кои ја почитуваме природата ги почитуваме и нив. Никој нема право да ги злоупотребува сметајќи ги за своја сопственост.
Елен Илиополу
