Дваесет и првото издание на традиционалниот OFFest ќе се одржи од 1 до 4 јуни во Националната опера и балет и МКЦ. Фестивалската програма годинава ја сочинуваат осум концертни настапи и еден документарен филм. ОФФ-Фест 2022 ќе го отвори извонредниот македонски етно...
ЗЕМЈА ЗА СПОРЕДБА: ГЕРМАНИЈА Домувањето не е само четири ѕидови и покрив. Тоа е целиот простор околу домот. Ако тој е погрешно проектиран, квалитетот на домувањето ќе биде под стандардите. Дури и ако се е совршено меѓу четирите ѕида. Таква е приказната за поголемиот...
Повеќе од 650 граѓани на Аеродром веќе се имаат регистрирано на апликацијата „мЗаедница“. Доминантни се пријави и иницијативи за уредување на зеленилото, санација на урбаната опрема, но и подобрување на безбедноста во сообраќајот. Оваа платформа претежно ја користат...
На крајот од најубавиот месец во годината, на 26 јуни, на веројатно најголемиот рок настан годинава, Загреб ќе ги пречека Prophets of Rage, супер групата составена од членовите на мегабендовите Public Enemy и Rage against the machine, икони на протестот против културниот империјализам и политиките на корпоративна Америка во 80-тите и 90 години.
Во состав на Prophets of Rage, формиран минатата година за време на изборите во САД се Tom Morello од Rage against the Machine (гитара), Brad Wilk (тапани) и Tim Commerford (бас) и двајцата исто така од Rage against the Machine, Chuck D и DJ Lord, од Public Enemy, и B Real од уште еден мегапопуларен бенд, Cypress Hill.
Името на бендот е земен од насловот на песната на Public Enemy, „Prophets of Rage“, од нивниот албум од 1988 година „It Takes a Nation of Millions to Hold Us Back“. На сет листата на бендот ќе се најдат најголемите хитови на нивните матични бендови како: Killing in the name of, Know your enemy, Jump around..
Политичкиот интензитет во времето на Rage against the Machine, (светска економска рецесија, распад на Советскиот Сојуз, првите претседателски избори во САД по паѓањето на железната завеса, падот на Апартхејдот во Јужна Африка), сето ова беше експлозивно спакувано во политички идеолошките текстови на Rage against the Machine, во тоа време најжестокиот бенд на планетата Земја.
Бидејќи Prophets of Rage го остваруваат пророштвото на нивните матични бендови, во овој манир очекуваме да ги видиме и нив. Зашто, како што кажуваат и самите: Опасните времиња бараат опасни песни.
Со овие рап-рок великани на сцената во спортско-рекреативниот центар Шалата, нема сомнеж дека концертот на Prophets of Rage во Загреб, во рамки на тунејата Make the world rage Again, претставува еден од главните музички настани годинава, не само во Хрватска, туку и во регионот.
За мене сосема сигурно.
Д. Ч.
