Дваесет и првото издание на традиционалниот OFFest ќе се одржи од 1 до 4 јуни во Националната опера и балет и МКЦ. Фестивалската програма годинава ја сочинуваат осум концертни настапи и еден документарен филм. ОФФ-Фест 2022 ќе го отвори извонредниот македонски етно...
ЗЕМЈА ЗА СПОРЕДБА: ГЕРМАНИЈА Домувањето не е само четири ѕидови и покрив. Тоа е целиот простор околу домот. Ако тој е погрешно проектиран, квалитетот на домувањето ќе биде под стандардите. Дури и ако се е совршено меѓу четирите ѕида. Таква е приказната за поголемиот...
Повеќе од 650 граѓани на Аеродром веќе се имаат регистрирано на апликацијата „мЗаедница“. Доминантни се пријави и иницијативи за уредување на зеленилото, санација на урбаната опрема, но и подобрување на безбедноста во сообраќајот. Оваа платформа претежно ја користат...
Патриот е некој што ја носи државата на себе. Или во себе. Или двете? Можеби нешто трето? За да дознаеме, го направивме квизот „Што има под знамето“. Ексклузивно, тројца доброволци што ја носат државата на себе, се пријавија за да ни дозволат да ѕирнеме што има под нивното знаме. Еве што успеавме да забележиме откако тие ги поткренаа своите знамиња, само за нас и за вас.
Лице А: не плаќа даноци кон државата бидејќи парите му требаат за да ја велича татковината.
Лице Б: плаќа даноци бидејќи мора.
Лице В: ги плаќа даноците, но активно се интересира за што се трошат неговите пари.
Лице А: ѓубрето од татковината и го враќа директно на татковината.
Лице Б: ѓубрето од татковината го фрла во канта на татковината.
Лице В: ѓубрето од татковината го фрла во канта на татковината и бара соодветно да се рециклира за да не ја загади татковината.
Лице А: ги прекршува сообраќајните правила бидејќи татковината нема време за чекање.
Лице Б: внимава на сообраќајните правила зашто може да има полиција во близина.
Лице В: ги почитува сообраќајните правила бидејќи ништо не е поважно во сообраќајот од безбедноста.
Лице А: културното и природното наследство не се важни ако може да се заработат пари за да се велича татковината.
Лице Б: ретко размислува за културното и за природното наследство на земјата.
Лице В: културното и природното наследство мора да се зачуваат.
Лице А: националниот интерес го гледа како борба помеѓу неговиот народ и други народи, во која неговиот народ победува.
Лице Б: национален интерес е тоа што го кажале на телевизија.
Лице В: го гледа националниот интерес како успех на својата земја и народ, во соработка со други народи и земји.
Лице А: ги слави спортските, културните и другите успеси на земјата.
Лице Б: ги слави спортските, културните и другите успеси на земјата.
Лице В: ги слави спортските, културните и другите успеси на земјата.
Најмногу одговори под А: патриот-знаменосец. И покрај гласниот патриотизам, под знамето нема ништо.
Најмногу одговори под Б: викенд-патриот. Ретко размислува за патриотизмот, па и за државата воопшто, бидејќи генерално не го интересира политика.
Најмногу одговори под В: суштински патриот. Ја сфаќа љубовта кон земјата како постојан напор за таа да стане што подобра и понапредна.
Заклучок: Не е патриот оној што има поголемо знаме на ретровизорот, туку оној што ги фрла отпадоците во канта за ѓубре.
За патриотизмот, сепак е важно што има под знамето.
